العلاقة بين الاولاد وبنات الاقارب (العم والعمه او الخال والخاله)..

[ملكني الشوق]

بسم الله الرحمن الرحيم

احمد يدخل بيت خالتـه .. نوره من ورا الباب
هلا احمد ، أخبارك ؟ هاه عساك شديت حيلك في الجامعة يقولون ظاغطينك في الجدول هالترم..
احمد / آآيه آآيه يانورة نوره خليها على الله .. والجامعة مثل ما انتي عارفه لازم يعرف الطالب انه لازم يتعب عشان يتفوق والله يعين بس..
نوره / آيه آيه صدقتك الله يوفقك
- طيب حياك للمجلس اقلط اقلط ....راح اناديلك اخوي بندر
********************************
* مـحمد يدق على بيت عمتـه ، ترد سـاره ..
أهلييييين مـحمد ، أخبارك وينك غائب عنا دائم مشغول تقول ان شركاتك تنافس شركات الوليد الحين
مـحمد/ هههههههه لالا بس توقعت احد بيسأل علي بيشوف اخباري لكن الله لنا..
سـاره / تتغلى ولا مسوي رجل اعمال ومشغول ؟
مـحمد / لا والله بس تعرفين الدنيا ومشاغلها ..
سـاره / اييييـه الله يعيـن ..
مـحمد: المهم بس ولا يكثر وين عمتي ؟ أدق على جوالها ماترد ..
طيب لا تدف بناديها لك ..

* * ******************
*نوال تتخرج من الجامعة بتقدير امتياز ..
صالح يرسل/ ألف ألف مبرووووك ، والله أني انبسطت لك والله يوفقك وعقبال الدكتوراه ….
........................ تم ارسال الرسـالة .
* يوم العيد خالد يروح لبيت عمه يبي يعايد لهم ويقابل عمه واهله طالعين عند السياره..يسلم على عمه ويعايد عليه ويقابل بنت عمه اريج وهي طالعه..
خالد: هلا اريج كيفك..اريج/ بخير الله يسلمك
خالد: كل عام وانتي بخير والله يتقبل منا ومنكم صالح الاعمال
اريج/ آمين يارب وكل سنه وانت طيب انشالله
خالد: طيب ياعم...انا ما ابي اطول عليكم حبيت اعايد عليكم وكل سنه وانتم بخير...فمان الله

.....................................
بعد هذي المقدمة البسيطة اكيد عرفتوا ( موضوعنـا )اللي راح نتناقش فيـه ..
.... العلاقة بين االاولاد و بنات الخال والخاله اوالعم والعمـة ..
هل هي [ سطحيـة ] وعيب نتكلم معهم أو حرام أو مكروه ،،
والا السن هو المحور الرئيسي في العلاقه او انه العادات هي اللي تحكمنا في هالناحيه واذا كانت عاديه ومافيها شي من وجهة نظرك ليش ماتكون واقعيه وحاصله هالامور بين الاقارب..مثل:
المباركة في الاعياد والنجاح وغيرها من المناسبات
اوالسلام والسؤال عن بعض بشكل غير مقصود اقصد انه ما تسال عنه شخصيآ لكن اذا صادفتها عبر التليفون او من خلف الباب مثلاممكن تسلم عليها وتسال عن حالها فقط لا تتعدا هالامور..


- هذا اللي نبي نناقشكم فيـه ..
الموضوع مايكمل الا بتفاعلكم ونقاشكم الراقي أكيـد ..

[نجم المحبه]

السلام عليكم ورحمة الله وبركاته

هلا اختيـ شاردهـ الفكر اخبارك

انشاءالله بخير{ وبصحه وسلامه }

وبعد.... يعطيك العافيه اختيــ

على طرحك الرائع والمتميز

وتحيتي لك وتقديري...

اخوكـ نجم المحبه

دمتيـــ بحفظـ الله تعالى

[المحتار]

هلا اختي شاردة

طبعا الموضوع مميز كافكره ورائع كطرح

لايخفى على الجميع ان الانسان ابن المجتمع الذي يعيش فيه

تحكمه عادات وتقاليد وتعاليم دينيه بغض النظر عن الدين الموجود في هذا المجتمع او ذاك

في مجتمعاتنا تغلب العادات الاجتماعيه على غيرها

وبحكم تعدد الاعراق وتنوعها واختلافها في مجتمعاتنا يكون الاختلاف بالطرق المتبعة في

علاقاتنا الاجتماعية مع اقاربنا بوجه عام ومع الفتيات بوجه خاص

البعض يعتبرها عيب والبعض الاخر يعتبرها حرام والنوع الثالث يرى انه ليس فيها اي شي غلط

يعطيك العافيه ولاهنتي على الطرح الرائع والمميز

وبانتظار جديدك تحيتي ...

[حزين الليالي]

وعليكم السلام ورحمة الله وبركاته

موضوع رائع وجميل وحلوو

انا بقول راي ولكل صراحه اول شي ولد عمهااا هل هو محرم عليه

طبعا لا لذا فانا ولد عمهاا مثل اي شخص ثاني لا يحق له ان تتكلم معه

وخاصة في هذا الزمن حيث تكثر فيه الفتن

ومن كلمه الي كلمه حتى يوسوس له الشيطان

مثل اتصل وردة هي وقال السلام وردة السلام وطلب عمه او عمتي هذي مافيه شي

لكن يتماد في الكلام ان اشوفه لاااااااااااا وانا ضد هذا الشي

وبعد تبارك له لا لانه ليس من دنينا او عادتنا التمادي في الكلام

وخير الكلام السلام لكن انه تقصده بالاتصال لا اويقصدها بعد لا

اذا تبي تبارك له تتصال على اخته او عمهااا او عمتهاا وتبارك حق الكل

وهو ايضا اذا يبي يبارك له فعليه ان يتصل على عمه او اخوها ويبارك للكل

باختصار تكون بطريقه غير مباشرة

هذا من وجهت نظري ولي عودة ثانية




تحياتي لك

[خافق الشوق]

وعليكم السلام ورحمة الله وبركاته .. .

عسـاج ع القـوة . .

أختي ,, شاردة الفكـر ,,

موضوع جميـل ^_^ . ..

وبالتأكيد ستكـون عليه بعض الأختلافات بالأراء . . .

أما عن وجهـة نفسي ,,

بما يحمل الموضوع من عن حدود علاقة الأقارب من بينهم

كـ بنات العم و العمة والخال والخالة ,,

أما عن نفسي .. فأجد الأمر لايكتمل ,,

بالحديـث الطويـل .. ولاكـن كالمعروف ..

أن الفتاة لا تكون بأماكن الرجال ,, مهما كانت قرابتهم من غير أخوتها ,,

ولربما الصدفة تجمعنا بأوقات كما ذكرتي أوقات العيد أو النجاح ,,

أو لربما وقت زواجها أو ولادتها ,, الى أخرهـ ,, بوقت المناسبات .. .

فتكـون المحادثة لا بالساعات .. بل بالدقائق .. . طبعاً لوجود الحياء ^_^ ..

السلامـ عليكم .. شخبارج عايدة .. ألف مبروك والحمدلله على السلامة ويتربى بعزج . .

الرد ,, الله يبارك فيك وجزاك الله خير ,, شخبارك أنت ,, الرد ,, الحمدلله الله يسلمج ..

سكـ ـوتـ .. وأنتهت المحادثة ..

فـ لله الحمد النوايـا طيبـة .. فالـ البعض هداهم الله مهما كانت القرابة . . .

ألا أنه تفكيرهمـ يكون صغير جداً .. وكأنها ليست قريبة له . ..

ولربما يصل التغزل بها أو لـ وصول التعارف بينهم بالتلاعب بمشاعرها , ,

هذه النوعية من الأسوء .. ..

ولاكن الحمدلله القليل منهم ,, فـ النوايا الطيبة الحسنة مادامت موجودة . ..

تحيتي وأحترامي

[~ ღـرسـgـوـg ـم ~]

يعطيج العافيه أختي شارده على هـ الطرح المميز

انا من وجة نظر ان الامر يعتمد على البيئه اللي نعيش فيها

في بعض الاماكن يكون من المستحيلات ان يدور اي حوار بين اولاد و بنات الاقارب

و يكون امر عيب و من رذائل الاعمال -طبعا من ناحية العادات و التقاليد-

و لكن في مجتمعات أخرى تكون أكثر انفتاحيه و يكون فيها حسن النيه

و اولاد و بنات الاقارب يكونون شبه تربو مع بعضهم البعض

فيكون امر عادي ان يكون بينهم سلام و تبريكات و معايدات مختصره بدون مبالغه

هذا اذا بغيناها من ناحية عادات و تقاليد

اما من الناحيه الدينيه الكل يعرف ان الامر هذا لا يجوز لانهم ما يحلون على بعض






مجرد رأي



يسلمووووووووووووووووووووووووووووووو @

[almalak]

شآردهـ الفكر ..

السلآم عليكم ورحمة الله وبركآتهـ .:,

منحى جديد وتطرق وليـد ., بآرك الله فيك أختي شآردهـ الفكر على هذة الإضآفه التي بالتأكيد هي موفقه من نآحيه قبول وإيجآب القآرىء ومن نآحيه تجديد مضمون موآضيع هذآ القسم ..
يعطيـك العآفيهـ .

الـوآقع عـآلم كبير لآيمكننآ تجآهل ركن أو تفضيل زآويه عن زآويه أخـــرى فهنآك يوجـد تمآمآ مآقد توآجــد هنـآ ., وكلنـآ في النهآيـه تحت سقف وآحد يؤينـآ جميعـــآآ وهو ديننــآآ الإسلآم ., فإن إتجهنآ نحو مسآر الدين فنجد أن هذآ الأمر لآيجوز ولآغبآر في ذلـك .. هذآ في الجآنب الإسلآمي

أمآ من النآحيه العآطفيه ., وخصوصـآآ في مرحله الـمرآهقه حيث أن هذآ المرآهق دقيق جدآ في تصرف الآخرين معه فربمآ يقوده تفكيره وخيآله الخصب أن يبحر في عآلمه ويتعمق في بحآرهـ ., مع أن القريب أو القريبه تجده لم يقل إلآ " السلآم عليكم ورحمة الله وبركآتة "

هنــآآك نـوآحي كثيره ودقيقـه والأخرى لآينبغي لهـآ أن تقآل فهي بديهيـه ربمـآ .. لكن إختصآرآ لكل مآسبق ., إن كآنت نوآيآك أنت حسنـه فماللذي يجعلك وآثـــق بحسن تفكير الطرف الآخر ..
هذآ مـــــآآأملك

ومشكوره شآرده الفكر مره أخرى إستمتعت بهذآ التحآور الشيق ,,
.

.

almalak

[بنوته توته]

يسلموووووووووو يا لغلانجم المحبه وعلى

الموضوع والمفيد

واللةيحرمنامن ولا جديك يا الغلا ليه


اختك

بنوته توته