بالكحل مرسوم نص القلب

[عطر الشوق]

بعض الصـدف ودك أنـك مـا تلاقيهـا
متأهـل كـنـت والا كـنـت عـزابـي
صادفتهـا بالمطـار وقمـت ألاغيـهـا
قلت آتسلـى ، ولكـن نالـت أعجابـي
مـا كلمتنـي ، ولكـن كـل مافيـهـا
تحـرك ارموشهـا ، وأشـر بأهدابـي
أفهـم سواليفهـا بالرمـش وأعطيهـا
وأرد خايـف لونـه لعـب بعصـابـي
قامـت تلفـت وتأشـر لـي بأياديهـا
تعـال وأثبتلـك أنــك أول أحبـابـي
أحتـرت غلطـان والا آروح أراضيهـا
أكلم النفس فـي هالوقـت وش جابـي
سرحت لحظـة أفكـر كيـف أحاكيهـا
وقررت أروح أعتذر وأوضـح أسبابـي
لقيـت مـا فـي المكـان الا مواريهـا
وريحة عطرها وريح أنفاسهـا السابـي
وحتـى قلـم كحلهـا طايـح يناديهـا
ومنديـل حولـه ولونـه كـان عنابـي
ولقيت رسمـة علـى المنديـل تعنيهـا
بالكحل مر سوم نص القلـب وعتابـي
تقول لـي ليـه أنـا أحرمهـا أمانيهـا
ومكتوب في آآآخر المنديل (( ياعذابي ))

وسلامتـــــــــــــكمـ

[كٌــن أوٍ لأ تكــوٍن]

صح بدنك وتسلم يمينك اخوي عطر

قصيده غزليه رائعه فيها لغة الهدب مع العين ولا اروع من هذي اللغه وقتها

عندما تواجه الانسان < وش عنده المجرب خخخخخخخخ

يعطيك الف عافيه اخوي عطر الشوق على هذي القصيده

ونتظر جديدك وابداعك كما تعودنا منك عطر قلمك المبدع

تح ـيأتي

[abaady]

آسعدني

آن آكون آول من ضمن من قرأ القصيده

نص مميز وراقي

تحياتي لك

[عطر الشوق]

صح بدنك أخوي كن وأشكرك على حضورك وتواجدك الرائع

تح ـــــــــــياتي لكــ

[عطر الشوق]

أشكرك أخوي عبادي على حضورك الأنيق

تح ـــــــــياتي لكــ

[الفايز]

وريحة عطرها وريح أنفاسهـا السابـي
وحتـى قلـم كحلهـا طايـح يناديهـا
يا سلاااااااااام تشبيه رائع وجميل
مشكووووور اخي الرائع/ عطر
تميز رائع بهذه الكلمات الجميله والنقيه والشيقه
يسلمووووووووووووو هذا الابداع المثير بكلماتكــــ الغزية الانيقه
دمتــــ لمن تحب

[عطر الشوق]

الله يسلمك أخوي ملك على تواجدك الرائع

تح ــــــــياتي لكــ

[غلاك يكفيني]

صح السانك

يعطيك العافيه

أخوي::عطرالشوق::

على هذا القصيده الرائعه

والله لايحرمنا من جديدك يالغلا

[عطر الشوق]

صح بدنك أخوي غلاك يكفيني والله يعطيك العافية على المرور الرايق يارايق

تح ــــــــــياتي لكــ