المساعد الشخصي الرقمي

مشاهدة النسخة كاملة : قصيدة الدليهي مع الجمس

إبن لبده
03-23-2008, 01:52 AM
السلام عليكم ورحمة الله وبركاته

هذي قصيدة للشاعر : حمد ابن سعد الدليهي الخالدي

الشاعر حمد ابن سعد الدليهي الخالدي احد الشعراء المعروفين في ساحة الشعر بالمنطقه

الشرقيه ذواااق للشعر وله فيه شعره معانيه الساميه التي تنبيء بشاعر له قيمته الشعريه ..

هذه بعض ابيات من قصيده واصفا به الجمس حيث كان مولعا به الى درجة

الجنوووون اتمنى ان تعجبكم ....

هذه القصيده بعد ايام من بيعه لجمس الاخير ويقصد على لسانه وعلى

لسان الجمس




الدليهي





ماعاد لك ياجمس في خاطري كرت
من يوم ساقوك الغشم والوراعين
انااشهد اني منك عزلت دبرت
ماعاد اطالع فيك ابطارف العين




الجمس




الله واكبر يالدليهي تكبرت
خليتني شفقن بركب السيادين
ماهو بحق اليوم عني تنكرت
تلعبي الورعان وسط البلادين







الدليهي




جار الزمن ياجمس فيك وتعثرت
ولانسيتك يوم جمع المحبين
واليوم روح كنك اليوم ماصرت
لاصار وقتك يجمع الزين والشين






الجمس




اذكر زمان فات كانك تذكرت
حكمك علي حكم الرجال السلاطين
اسرفت فيني يالدليهي واسرفت
اسرفت بي سرف اليهود بفلسطين





الدليهي




فكرت في مافات ياجمس فكرت
عديت نفسي من حساب الخبالين
كم مرة ضيقت صدري وبنشرت
والناس ماتاقف على الدرب ماشين






الجمس




كم مرة فيها زعلت وتكدرت
وسريت بي فالليل والناس ممسين
في مطلبك يالخالدي ماتعذرت
رفيق صافي لك على العسر واللين






الدليهي




هيهات كم مره علينا تبعثرت
وكم ورشة فيها مضالك اسبوعين
هذي طبوعك كلها ماتغيرت
غربلتني وذهبتني دين في دين







الجمس




يعني خلاص تقول يالخالدي برت
يوم انزلوا بالمدن كل البداوين
ياما وردت العد وامرار صدرت
على الوعر تعشيق من ثالث اثنين
وسط الغماره مع وليفك تخدرت
وبدر الغريب يجاوب الصوت صوتين





الدليهي




يالعنبوك اسكت تراني تفجرت
وكل العلوم الماضيه جبتها منين
خلاص انا قررت شاريك قررت
وكل السوالف خلها فيك بعدين
بذبح بدل حلفي كرامه وكفرت
والناس لوتزعل اناوانت راضين
تمشي بي الدنيا وانا ماتطورت
ابيع واشري جمس خلفه قزوزيييين


تحياتي

من بريدي
[/INDENT][/COLOR]
عطر الشوق
03-23-2008, 04:01 PM
مشكور ابن لبدة على القصيد الجميل ،،، مع ان الواحد هالأيام لا يفرط بالجمس جاينا الربيع لا تنسون ،،،،،،،،،،،،،،،،،،،،،،

تقبل مروري

تح ـــــــــــــــــــــــياتي لكـــ
إبن لبده
03-24-2008, 01:49 AM
حياك الله أخوي // عطر الشوق ،،

الجمس موجود بكل وقت ،، بس إنت آمر تدلل ،،

بس فيني ميزه ،، بالربيع أطربله ،، ما أطلعه إلا وقت القيض ..

ههههههههههههههههههههههههههههههههه


نورت متصفحي لا عدمناك ،،

تحياتي ،،
تكفيني الذكرى
03-24-2008, 02:10 AM
وعليكم السلام ورحمة الله وبركاته ..

يـآهـلأأ مـرحبـآ اخـوي ابـن البـده منــور قســم القصـآئد

صـح السـآنك والسـآن شعــرهـآ

مشكــور اخــوي علــى البــدع المميـز

ولاتحــرمنــآ مــن جـديــدكـ يـآلغـلأأ


تحيــــآتـــي للجميـــــ ع
إبن لبده
03-24-2008, 02:56 AM
النور بتواجدك الرائع

صح بدنك أخوي تكفيني الذكرى .

والإبداع لا يتم إلا بتواجدكم ..

ولك خالص الشكر والتقدير على زيارتك لمتصفحي ..


تحياتي ،،
كٌــن أوٍ لأ تكــوٍن
03-26-2008, 08:43 AM
يعطيك العافيه اخوي ابن لبده على القصيده

تح ـيأتي
إبن لبده
03-31-2008, 02:29 AM
يعطيك العافيه اخوي ابن لبده على القصيده

تح ـيأتي
بارك الله فيك

اخي كن او لاتكون

والابداع تواجدك

يالغالي

مشكور على المرور

تحياتي
abaady
03-31-2008, 05:07 PM
اذكر زمان فات كانك تذكرت
حكمك علي حكم الرجال السلاطين
اسرفت فيني يالدليهي واسرفت
اسرفت بي سرف اليهود بفلسطين


صح ألسانه ولد الخالدي ^_^

نقل مميز

تحياتي لك
إبن لبده
03-31-2008, 11:03 PM
صح الله بدنك
وتسلم على مرورك الطيب
اخي

تحياتي
غلاك يكفيني
04-05-2008, 08:04 AM
صح السانك

أخوي::أبن لبده

ويعطيك العافيه

على ماقدمت لنا
إبن لبده
04-15-2008, 08:29 AM
النور بتواجدك الرائع

صح بدنك أخوي غلاك يكفيني

والإبداع لا يتم إلا بتواجدكم ..

ولك خالص الشكر والتقدير على زيارتك لمتصفحي ..


تحياتي
@الحب كلمه@
04-15-2008, 11:11 AM
صح الله لسانك أخوي ابن لبده

على الكلمات بين الدليهي والجمس

والله لايهينك
إبن لبده
04-16-2008, 01:57 AM
يسلم قلبك الحب كلمه

وعسى الله لايحرمنا من طلاتك الحلوه

لك كل التحيه والتقدير

تحياتي